गजल

- ऋषि बस्ताकोटी

कहिलेकाहिँ त उसले माया गरे पनि हुन्थ्यो,
रिसाए झैँ मैलाइ आँखा तरे पनि हुन्थ्यो /

घुम्टोभित्र सजाएको यौवनको फूल,
त्यही फूल टिप्ने भूल गरे पनि हुन्थ्यो /

सबको भाग माथिबाटै लाग्छ भन्छन तर,
मेरो भागमा उसकै माया परे पनि हुन्थ्यो /

डेरा खोज्न कोही नआउँदै मेरो दैलोसम्म ,
मनको डेरा उसले यतै सरे पनि हुन्थ्यो /

कहिलेकाहिँ त उसले माया गरे पनि हुन्थ्यो ,
रिसाए झैँ मैलाइ आँखा तरे पनि हुन्थ्यो /

प्रकाशित मिति : प्रकाशन मिति : सोमबार, 11 फागुन, 2071

लेखकका अन्य रचनाहरु