गीत

- ऋषि बस्ताकोटी

फाँटैभरी मार्सीधान र जेठोबुढो झुल्दा,
रुँदैहोलिन् बहिनी मेरी, सयपत्री फुल्दा ।

सयौ सपना बिर्सिएर यौटा सपना बुन्दै,
प्रवासमै बिते बर्ष बिरही गीत सुन्दै ।
देउसीभैलो तीज-तिहार दाजुभाइले भुल्दा,
रुँदैहोलिन् बहिनी मेरी, सयपत्री फुल्दा ।

फेवाताल, रूपा अनि गर्दै बेगनास ,
जिन्दगी यो सधैंभरि हुन्न एकैनास ।
कोट्बारीको कुनाबाट माछापुछ्रे खुल्दा
रुँदैहोलिन् बहिनी मेरी, सयपत्री फुल्दा ।

प्रकाशित मिति : प्रकाशन मिति : मगलबार, 4 कार्तिक, 2071

लेखकका अन्य रचनाहरु