गजल

- गोपाल झापाली

छाति भित्र छामि हेरेँ, मुटु सरे जस्तो लाग्यो
मध्य रातमै बर्बराउँछु, ऐठन परे जस्तो लाग्यो ।

किनार सम्म डोर्याउने, धेरै आए जिन्दगीमा,
वारि मलाई एक्लै छाडी सवै तरे जस्तो लाग्यो ।

बचेकैथेँ पानीबाट, आगोबाट जोगिऔंँ भन्थे,
थाह नपाइ भुङ्ग्रै भित्र अब परे जस्तो लाग्यो ।

मनको धुरी फाट्दा टाल्ने, अलिकति मायाँ हुन्थ्यो,
अब छैन केहि पनि, आकाश झरे जस्तो लाग्यो ।

छरे पनि, झरे पनि गर्नु जति गरि सक्यौ,
फूल फुल्ने मौषस पनि अब टरे जस्तो लाग्यो ।

प्रकाशित मिति : प्रकाशन मिति : शनिवार, 2 कार्तिक, 2070

लेखकका अन्य रचनाहरु