गजल

- श्रवणकुमार ढुंगाना

तिमी आयौ आँगनीमा विहानीको घाम आयो ।
शवरीको कुटियामा बनवासी राम आयो ।

प्रलयको गर्जन विच आकाश थियो अविचल
आँधीको भलसँगै हृदयको श्याम आयो ।

कुल्चेकै छन् फूलहरू हजारौ घातहरूले
उनिएर तिम्रो शिरमा मेरो लागि सलाम आयो ।

जन्मँदा कोही खुसी थियो, मर्दा कोही खुसी होला
सँगै रुने – हाँस्ने मेरो ईश्वरको धाम आयो ।

प्रकाशित मिति : प्रकाशन मिति : शनिवार, 8 भाद्र, 2070

लेखकका अन्य रचनाहरु