गजल

- गोपाल झापाली

थाह छ तिमीले मलाई मायाँ गर्छौ भनेर
छेउमा पर्दा–आखाँ जुध्दा लाजले, मर्छौ भनेर ।

तर बिचमा सागर छ दुनियाको, भेटै हुँदैन,
तै पनि तिमी भावनामै यहि सागर तर्छौ भनेर ।

किनार छोई बग्द नदी तर पानी उसको हुन्न,
यहि कुरो बुझेर त झरी जस्तै पर्छौ भनेर ।

तिमीलाई नभनेरै मायाँ गरे, नछोएरै धित माँरे,
भन्न साथै उल्का बनि यो मनबाट झर्छौ भनेर ।

प्रकाशित मिति : प्रकाशन मिति : शनिवार, 26 श्रावण, 2070

लेखकका अन्य रचनाहरु