गजल

- ऋषि बस्ताकोटी

बगें कति पानी पानी, बल्ल एउटा आकार भयो,
छुटे सयौं सपना तर, आज एउटा साकार भयो ।

बक्र-रेखा जिन्दगीको, फेद न टुप्पो भई जिउँदा,
लाग्यो संधै लागिरह्यो, यो जिन्दागी बेकार भयो ।

बादल फाट्यो, औंसी गयो, डाँडामाथि जून चियायो,
जूनसंगै धुन बज्यो, मनभित्र यो झन्कार भयो ।

खडेरीमा सुक्या' रुख, ओस भेटे त पलाइहाल्छ,
सुसुप्तमा नसम्झनु, जिउनु यहाँ के सार भयो ।

बगें कति पानी पानी, बल्ल एउटा आकार भयो,
छुटे सयौं सपना तर, आज एउटा साकार भयो ।

क्याल्गरी, क्यानडा

प्रकाशित मिति : प्रकाशन मिति : शनिवार, 15 आसाढ, 2070

लेखकका अन्य रचनाहरु