गजल

- गोपाल झापाली

तिमी भेटेँ संसारको धुरी पाए जस्तै भो,
मानो खोज्दा मनै भर्ने मुरी पाए जस्तै भो ।

उडीसक्या रङ्ग आयो,हराएको खुसी भेटेँ,
रित्तो हातले जुहारतको चुरी पाए जस्तै भो ।

अँध्यारो थियो आकाश,जून तारा खोज्दै थिएँ,
निराशाको बादल फाल्ने हुरी पाए जस्तै भो ।

मनै त हो तिर्खाउँछा, काँडा बिज्दा बिझाउँछ,
प्यासी ओठले पानी पिउने मन्जुरी पाए जस्तै भो ।

प्रकाशित मिति : प्रकाशन मिति : शनिवार, 21 बैशाख, 2070

लेखकका अन्य रचनाहरु