मेरो साथी र बन्यो व्यङ्ग्यकार (व्यङ्ग्य कविता)

- चट्याङ मास्टर

आँटै गरेन उसले, नत्र ऊ सक्थ्यो र गथ्र्यो
नेता भनाउँदो बुख्याँचाको आशै पो किन गथ्र्यो !

इच्छा आकाङ्क्षा उसका पूरा गरिदिनुपर्ने नेताले
यस्तै आशामुखीहरू नभइदिए कसरी जन्मनु नेताले ?

आशामुखीहरू देखेर उसको साथी नेता बन्यो
नेताहरू देखेर मेरो साथी व्यङ्ग्यकार बन्यो ।

के गर्नुहुन्छ, के गर्नुहुन्न, त्यो –मेरो साथीलाई थाहा छ
यो थाहा पाउनेले केही गर्दैन, त्यो –नेता बन्नेलाई थाहा छ ।

यी दुई थाहा बीचको फरक–
उसको साथी नेता बन्यो
मेरो साथी व्यङ्ग्यकार बन्यो ।।

प्रकाशित मिति : प्रकाशन मिति : शनिवार, 20 जेठ, 2069

लेखकका अन्य रचनाहरु