गजल

- डा.रुपक श्रेष्ठ

आजबाटै फूल थुंगाको नाउँ मेरै होस्
उनले टेक्ने गोरेटो र गाउँ मेरै होस्

भंगालोमा हात देओस अंगालोमै लिउँला
जीवन नदी संगै तर्ने नाव मेरै होस्

अकबरी अजम्बरी माया तिनलाई भो
कोमल हातले सुम्सुम्याउने घाउ मेरै होस्

परी नाचोस बगैंचामा माली हेरिरहोस्
स्वर्गजस्तो सुन्दर सुन्दर ठाउँ मेरै होस्

प्रकाशित मिति : प्रकाशन मिति : सोमबार, 29 फागुन, 2068

लेखकका अन्य रचनाहरु