गीत

- श्रवणकुमार ढुंगाना

आँशुले धोई रातलाई दिन बनाउन सकिनँ
जुन देखाई तिमीले झैं घाम भनाउन सकिनँ ।

मेरा पनि तिम्रा जस्तै प्रीयजन लाखौं हुन्थे
प्रेमको बदला पैसामा मूल्य चुकाउन सकिनँ ।
जुन देखाई तिमीले झैं घाम भनाउन सकिनँ ।

म त ढुंगामा पनि ईश्वर देखी पुजा गर्ने मान्छे
आफै नै ईश्वर बनी सबलाई ढोगाउन सकिनँ ।
जुन देखाई तिमीले झैं घाम भनाउन सकिनँ ।

नाङ्गिएर रंगमञ्चमा उदायौ सारा दुनियाँ सामु
तिमीले झैं भाषणैले लाज पचाउन सकिनँ ।
जुन देखाई तिमीले झैं घाम भनाउन सकिनँ ।

प्रकाशित मिति : प्रकाशन मिति : मगलबार, 28 आसाढ, 2068

लेखकका अन्य रचनाहरु