मेरा देशका नेताहरुलाई

- डिग बहादुर तामाङ्ग

मथिङ्गल भित्र टाउकोहरु अट्दैनन्
टाउको भित्र मात्र मथिङ्गल अट्छन् ।
गोलार्धभित्र पृथ्वी अटदैन्
पृथ्वीभित्र मात्र गोलार्धहरु अट्छन्
पृथ्वीले सूर्यमा किरण छर्दैन्
सूर्यले मात्र पृथ्वीमा किरण छर्छ ।

जनताहरु भित्र देश अट्दैन्
देश भित्रमात्र जनताहरु अट्छन् ।
जातिहरु भित्र समाज अट्दैन्
समाजभित्र मात्र जातिहरु अट्छन् ।
जनजातिहरु भित्र देश अट्दैन्
देशभित्र मात्र जनजातिहरु अट्छन् ।

मानिसहरु भित्र नेपाल अटदैन
नेपाल भित्रमात्र नेपालीहरु अट्छन् ।
मानिसहरु भित्र घर अटदैनन् ।
घरभित्र मात्र मानिसहरु अटछन् ।
मानिसहरु जन्मदै कुनै ठूला साना हुदैनन्
बुद्धि बिबेक मात्र ठूलो सानु हुन्छन् ।

संसारमा जातैपिच्छे राज्य बाँडिदैन
राज्यभित्र मात्र जातिहरु बस्छन् ।
संविधान कुनै बर्गको लागि लेखिन्न
संविधान िसंगो देशबासीहरुको लागि लेखिन्छ ।
त्यस्तै कानून पनि कुनै बर्गको बन्दैन
कानून सबैको लागि बराबर लागु हुन्छ ।


प्रकाशित मिति : प्रकाशन मिति : शुक्रबार, 5 भाद्र, 2066

लेखकका अन्य रचनाहरु